-- ADVERTISEMENT --
Gipasalig karon sa Land Transportation Franchising ang Regulatory Board (LTFRB) ang pag-apud-apud niini ug mga fuel subsidy sa mga operators sa mga pampublikong sakyanan.
Gibutyag ni LTFRB chairman Atty. Teofilo Guadiz III, nga makadawat ang mga operators sa one-time nga P10,000 nga fuel vouchers.
Ang nasampit nga lakang ang giisip nga tabang sa mga operators sa mga pampasaherong sakyanan gumikan na usab sa pagbalik ug pagsaka sa presyo sa mga produktong petrolyo.
Kahinumduman nga niadtong Martes nagpatuman ug pagsaka sa presyo sa produktong petrolyo ngadto sa halos tres pesos sa matag litro.
Nag-unang hinungdan nga gitudlong rason sa Department of Energy (DOE) ang nagkagrabeng tensiyon sa tungang sidlakan.
-- ADVERTISEMENT --
