DAVAO CITY – Nagpahimangno ang Land Transportation Franchising and Regulatory Board (LTFRB-DAVAO) ngadto sa tanang Public Utility Vehicle (PUV) Operator o Driver ilabi na ang mga Public Utility Jeepney (PUJ) Operator/Driver, nga mosunod sa taripa matag rota lakip na ang saktong pagsunod sa 2-peso fare hike.
Subay sa Joint Administrative Order (JAO) 2014-01, pahamtangan og silot ang masakpang mag-overcharging diin anaa sa Php 5000 ang multa alang sa first offense ; Php 10,000 o pag-impound sa unit niini sulod sa 30 ka adlaw alang sa 2nd offense; ug Php 15,000 ug pag-kansela sa CPC niini kung asa otorisado ang unit.
Subli nagpahinumdom ang LTFRB ngadto sa mga pasahero nga mamahimong mu-report ngadto sa ilang buhatan kung adunay mga operator o drayber ang musupak sa ilang gipatuman nga balaod.
Kahinumduman una nang mipatuman ang LTFRB kaniadtong Hunyo 29, 2022 og usbaw sa pamasahe ngadto sa Php 11 minimum fare sa unang upat ka kilometro sa traditional PUJ, samtang Php 13 minimum fare alang sa Modernized PUJ sa unang upat ka kilometros.
Via || Hana Rallos
