DAVAO CITY – Gi-awhag karon ni Atty. Neil Cañedo, Asst. Regional Director sa Land Transportation Office (LTO) ang mga nanag-iya ug 4 wheel vehicle nga naka-rehistro kaniadtong Hulyo 2016 hangtud Disyembre 2018 nga kuhaon na sa ilang buhatan ang mga plate number.
Tipik lamang kini human nga anaa pa gihapon sa kapin 6,000 ka mga plate number ang wala pa gihapon na claim hangtud karong panahona.
Una ng gibutyag sa opisyal nga kung moubos ngadto sa 3 ka libo ang mga plaka nga wala na claim, sugdan na nila ang pagdakop sa mga sakyanan nga migamit ug mga temporary plate diin ang mga madakpan pahamtangan ug multa nga P5,000.
Sa kasamtangan, naka-release na matud pa sila ug kapin 4,000 ka mga plate number samtang kapin 11 ka libo ka mga bag-ong plaka sab ang naka-stand by.
