DAVAO CITY – Gi-awhag sa Land Transportation Franchising and Regulatory Board Davao Region (LTFRB-XI) ang public utility drivers nga kuhaon na ang ilang Pantawid Pasada Program (PPP) cash cards alang sa 2018 ayha matapos ang kasamtangan nga bulan.
Sumala pa kang kanhi LTFRB OIC regional director Cattleya Acaylar anaa pa gihapon sa 84% distribution rage ang ilang natala gikan sa 5,000 cards as of June 21, 2019.
Gikanayon sab ni LTFRB Chair Martin Delgra kinahanglan nila nga tapuson ang 2018 budget alang sa PPP cash cards aron nga ilang ma-proseso ang bag-ong listahan sa distribution sa cash cards karong tuiga.
Gikanayong ang wala makakuha sa ilang 2018 PPP cash card ayha matapos ang kasamtangan nga bulan ang dili na mamahimong maka-claim niini.
Gani nakiglambigit na matud pa ang ahensiya ngadto sa mga operators apan daghanan pa gihapon nga mga cash cards ang wala na-claim.
Gitambagan sab ni Delgra ang mga nanag-iya sa nawala nga cards nga moadto kini sa LTFRB aron nga makakuha ug lain nga card.
Gikanayong ang PPP cash cards magsilbi nga fuel subsidy aron nga motabang sa mga ug drivers gumikan sa pagsaka sa presyo sa mga produktong petrolyo.
