Maghatod og hinay ngadto na sa kusog nga pag-ulan sa Eastern Visayas, Caraga, Davao de Oro at Davao Oriental ang usa ka Low Pressure Area (LPA).
Subay sa talaan sa Philippine Atmospheric, Geophysical and Astronomical Services Administration (PAGASA), karong unang adlaw sa bulan sa Setyembre, kusog ang ulan nga masinatian sa Eastern Visayas, samtang hinay ngadto na sa kusog nga pag-ulan ang masinatian sa Bicol Region at Dinagat Islands.
Gani, ugmang adlawa, Setyembre 2 ning tuiga,makasinati og kusog nga pag-ulan ang Catanduanes, Albay, Sorsogon ug Northern Samar, samtang kusog nga pag-ulan sab ang masinatian sa Bicol Region ug southern portion sa Quezon.
Ang maong pag-ulan posibleng muresulta sa pagbaha og pagdahili sa yuta rason nga giabisuhan sa PAGASA ang tanang residente nga nakapuyo sa naasoy nga mga lugar nga mag-igmat ug maniid sa palibot aron malikayan ang disgrasya.
