Namonitor sa Philippine Atmospheric, Geophysical and Astronomical Services Administration (PAGASA) ang usa ka low-pressure area (LPA) nga nahimutang sa gawas sa Philippine Area of Responsibility (PAR) niining Domingo sa buntag.
Matod sa state weather bureau, namataan ang LPA sa gilay-on nga 1,410 kilometro silangan sa Central Luzon, apan ilang gisiguro nga mubo ang posibilidad nga kini mahimong tropical depression sulod sa mosunod nga 24 ka oras.
Samtang, nagpagula usab ang PAGASA og thunderstorm advisory alang sa pipila ka lugar sa Luzon sama sa Metro Manila, Tarlac, Pampanga, Bataan, Batangas, Cavite, Laguna, Quezon, ug Rizal tungod sa posibleng pag-ulan ug pagpanagkilat.
Tungod sa epekto sa habagat, magpadayon ang mapanganuron ug mga pag-ulan sa kasadpang bahin sa nasud, samtang localized thunderstorms ang posibleng kasinatian sa ubang mga lugar.
