DAVAO CITY – Gisubay pa karon sa otoridad kung unsa ang hinungdan sa sunog sa Purok 3, Brgy. Poblacion, Davao de Oro diin patay ang usa ka lola ug duruha ka apo niini.
Una ng naila ang biktima nga sila si Mariarita Mag-aso, 73 anyos; Mark Prince Ladroma, 9 anyos; ug ang Grade 8 student nga si Willy Boy Mag-aso.
Sa ulahing imbestigasyon sa otoridad, gilamoy sa sunog ang pinuy-anan nga gipanag-iyahan ni Judith Retamas kalakip na ang tulo ka mga commercial nga gambalay diin usa niini ang namaligya ug pintura ug gipanag-iyahan ni Adelo Gallego, lumber nga gipanag-iyahan ni Herbert Asenio ug ang tailoring nga iya sa usa ka Rodel Ladroma, amahan sa namatay nga 9 anyos.
Una ng gibutyag ni Ladroma nga kauban sumala pa sa iyang usa sa mga sastre nga si alyas Dodong ang kauban sa mga biktima nga natulog sulod sa Tailoring ug kini lamang ang bugtong nga nakaluwas.
Gikanayon sab sa nahisgutan nga nakauli siya sa ilang pinuy-anan kauban ang iyang asawa uapan nagpabilin sa iyang lola ang iyang anak nga si Mark Prince ug didto natulog sa tailoring ayha nahitabo ang sunog.
Tungod sa kapaspas sa sunog, wala na nakalignkawas ang lola ug ang duruha ka apo niini nga nahibilin sa nahisgutan nga gambalay.
Dali nga miresponde sa lugar ang mga sakop sa kabomberohan apan wala na naluwas ang mga biktima.
