Sulbaron sumala pa sa Barangay ang reklamo sa usa ka 65 anyos nga babaye batok sa iyang silingan nga 34 anyos nga mitawag sumala pa kaniya ug wak-wak.
Kahinumduman nga mi-ulbo ang kasuko ni alyas Gina, residente sa Isla Verde, Barangay 23-C, human nga nasayran nga nagpakatag ug gili maayong istorya si alyas Ellen batok kaniya.
Sumala pa ni alyas Gina, gi-tsimis siya nga aswang tungod sa iyang kalkag nga buhok, taas ang kuko ug isog sumala pa ang iyang tinan-awan sa iyang silingan.
Laraw ni alyas Gina nga mag-atubang sila sa iyang silingan nga si alyas Ellen aron nga malimpiyohan ug mahatagan ug katin-awan ang iyang pangalan sa lugar.
Gisumite na sab sumala pa ang maong reklamo sa general investigastion Section sa Sta. Ana PNP aron nga mahusay gilayon ang bangi sa duruha.
