Gikumpirma ni DILG Sec.,Atty. Benhur Abalos,Jr. nga nadakpan gayod kagahapon si Paulene Canada, usa sa kaubanang akusado ni Kingdom of Jesus Christ, Pastor Apollo Quiboloy.
Matud pa niini nga duna silay nadawat nga tawag niadtong Hulyo 9 ning tuiga gikan sa usa ka wala nagpailang babaye nga nakita nini si Canada sa Emily Homes.
Kahinumdumang, dunay P1-M nga reward money nga gipatong ngadto sa ulo ni Canada ug giplakaro sab ni Abalos nga ang reward money gikan sa mga pribadong indibidwal nga gusto matud pa madakpan ang mga pugante.
Sa piaks bahin, giklaro sab ni Gen. Nicolas Torre III nga wala nila gideny kon gipanghimakak ang maong operasyon.
Posible matud pa nga walay kasayuran sa naasoy nga operasyon ang napangutan-an ni Atty. Israelito Torreon, ang legal counsel sa Kingdom of Jesus Christ, ingon man gamay ra ang nakabalo sa maong lakang.
Gani, wala na matud pa nila kini giagi sa Buhangin PNP gumikan mas duol matud pa ang lokasyon sa PRO XI, tandi sa naasoy nga istasyon ug wala sab matud pay ‘access’ si Canada ngadto sa legal counsel niini gumikan wa sab matud pa kini nadawat nga request si Torreon.
Samtang, gisiguro sa kapulisan nga walay mga mitabang kang KOJC leader, Pastor Apollo Quiboloy aron nga magtago, apan magpabilin matud pang ‘committed’ ang kapulisan aron nga madakpan silang tanang.
Naa na sab matud pay lead kon impormasyon ang otoridad sa gikahimutangan sa puganteng pastor ug lain pang mga kaubanan niini nga wala pa nadakpan nga mao sab ang padayon nilang ginatutukan matud pa kang Torre.
