DAVAO CITY – Gisugdan na ang listing sa pipila ka mga residente sa Barangay nga makadawat og relief packs gikan sa lokal nga panggamhanan.
Kabahin kini sa lakang sa siyudad sanglit adunay pipila ka mga residente ang apektado karon sa pagpanira sa ilang panginabuhian gumikan sa pagkuyanap sa Covid-19.
Usa sa mga nagsugod na ug pagpanglista mao ang Brgy. 5-A bankerohan diin ubay-ubay sa mga residente ang nanginahanglan ug ayuda.
Una ng gibutyag ni Bankerohan Brgy. Capt. Edgar Ibuyan Sr. nga ang barangay maoy magsilbing distribution area alang sa mga itunol nga hinabang.
Hatagan sumala pa nila ug prayoridad kadtong mga sidewalk vendor nga temporaryo nga gi-paundang ang ilang mga negosyo aron nga maminusan ang pagdagsa sa mga konsumante sa Bankerohan public market nga delikado sa pagkuyanap sa Covid-19.
