DAVAO CITY – Padayon ang panawagan sa lokal nga panggamhanan ngadto sa publiko nga motamud sa mga polisiya batok Covid-19 aron nga pabilin nga makalikay niini.
Sa pinakaulahing mandato, tanan nga mga aktibidad kinahanglan nga isuspende hangtud nga dili tapuson ang gipatuman nga public health emergency.
Una ng gi-awhag sa City Hall ang mga government workers nga kinahanglan motamud sa gipatuman nga mga lakang ug dili magmagahi.
Kahinumduman nga gawas sa pagkansela sa morning flag ceremony, kanselado na sab karon ang flag retreat matag biyernes.
Gimandoan sab ang mga empleyado nga manglimpiyo ug magpahigayon ug disinfection sa ilang mga buhatan ilabi na kadtong mga departamento nga adunay transaksiyon sa publiko.
Hugtanon sab karon nga gimando ang pagpahimutang ug mga hand sanitizers o alcohol nga mamahimong gamiton sa public ayha mosulod ug mobiya sa buhatan.
Gi-awhag sab ang mga empleyado nga magpatuman ug regular handwashing gamit ang sabon ug tubig.
Kahinumduman kanselado na sab karon ang Araw ng Barangay celebrations hangtud nga dili sab bakwi-on ang kamandoan kalabot niini ingon man ang Caravan sa Government Services.
