DAVAO CITY – Nagpadayag ug kaandam ang dakbayan sa Davao nga mohatag ug hinabang alang sa mga biktima sa kusog nga pagtay-og sa Itbayat, Batanes diin anaa na siyam ang natalang patay ug ubay-ubay ka nga pinuy-anan ang mga nangadaot.
Una ng gibutyag ni Alfredo Baluran, head sa City Disaster Risk Reduction and Management Office (CDRRMO), nga kasamtangan nakiglambigit na sila sa lokal nga panggamhanan sa Batanes ug wala pa sab nadesisyonan sa lokal nga panggamhanan kung unsa nga klase sa hinabang ang ihatag sa nahisgutan nga lalawigan.
Bisan tuod nga naandan na sa dakbayan nga mohatag ug tabang pinansiyal sa mga nabiktima sa kalamidad, apan andam sab sumala pa ang siyudad nga magpadala ug mga personahe aron nga motabang sa mga residente nga grabeng naapektohan sa kusog nga linog.
Sa higayon sumala pa nga magdeklara na ang Batanes ug state of calamity, gilayon sumala pa sila nga magpadala ug hinanali nga hinabang.
