DAVAO CITY – Naglaum karon si Davao City Mayor Inday Sara Duterte-Carpio nga magpabilin nga ubos ang kaso sa covid-19 sa dakbayan dungan sa paglugway sa Alert Level 1 classification sugod sa kagahapong adlawa May 16 hangtud Mayo 31 ug human usab ang bag-ohay pa lamang nga mga local campaign rallies ug national and local elections diin nagtapok-tapok ang daghanan nga mga tawo.
Nasayran kang Mayor Inday nga nagpabilin karun nga uban ang kaso sa Covid-19.
Sa kasamtangan, nakatala ang siyudad ug 14 ka mga active COVID-19 cases, diin 12 niini ang asymptomatic samtang usa ang anaa sa moderate case samtang ang lain anaa sa severe case.
Positibo sab ang presumptive vice president nga kadtong mga moderate ug severe cases ang atimanon sa mga balay tambalanan.
Apan luyo niini, dili pa gihapon mokumpiyansa ang publiko bisan nga bakunado sanglit nagpabilin pa karon ang low turnout sa booster vaccination rollout sa dakbayan.
Sumala sa City Information Office (CIO), nakatala sila ug kinatibuk-ang 1,33,0176 first dose vaccinations ug 1,312,211 second doses o fully vaccinated individuals, as of May 13. Sa 1,312,211 ka mga nakadawat ug duruha ka primary doses, bugtong 254,679 ang nakaangkon sa ilang una nga booster jabs ug bugtong 2,805 ka mga indibidwal ang mibalik sa vaccination hubs alang sa ilang second booster shots.
Gitataw sab sa nahisgutan nga ipadayon sab sa dakbayan ang mobile vaccinations ilabi na sa mga hilit nga lugar sa siyudad diin ang mga residente wala pa nakadawat ug bisan unsa man nga dose sa anti-COVID-19 vaccine.
