DAVAO CITY – Nanghatag ang lokal nga kagamhanan ug P3,000 fuel cash assistance ngadto sa mga Public Utility Jeepney (PUJ) ug taxi drivers arun nga matabangan ang mga nahisgutan sa sunod-sunod nga pagsaka sa presyo sa lana sa world market.
Kagahapong adlawa, anaa na sa 873 PUJ ug taxi drivers ning dakbayan ang naka-avail sa cash assistance pinaagi sa City Social Welfare and Development Office ilalom sa Assistance to Individuals in Crisis Situation (AICS) program sa Department of Social Welfare and Development Office (DSWD).
Gipahigayon ang pagpanghatag niini sa People’s Park ning siyudad.
Sumala pa kang CSWDO Davao Senior Social Work Associate Habib Pagilongon nga ang payout alang sa first ug second batch sa drivers nga ilang gisumite sa DSWD.
Dugang niini nga i-validate una ang mga dokumento ug uban pang mga pruweba nga isumite sa driver.
Atol sa payout, ang mga drivers kinahanglan nga magdala sa ilang original ug photocopy sa ilang Barangay Certificate ug valid ID ingon man photocopy with signatures.
Sa mga buot pa nga mo-avail sa maong programa, mamahimong magpadala ug mensahe pinaagi sa CSWDO Facebook account, City Social Welfare and Development Office – Davao.
