DAVAO CITY – Mopahigayon ug augmentation sa mga sakyanan ang lokal nga kagamhanan atol sa pagpatuman bag-o ug mas gipasayo nga curfew hour sa syudad kung ugaling mohunong ang mga pampublikong sakyanan sa pagbyahe.
Labot niini, gimanduan na ni Davao City Mayor Sara Duterte Carpio ang City Transport and Traffic Management Office o CTTMO nga imonitor ang sitwasyon sugod ugmang adlawa Huwebes, October 15, aron kalikayan nga malisdan ang mga tawo nga mopa-uli ug alas siete sa gabii hangtud alas 5 sa buntag.
Subay sa Executive order no. 55, subling ipatuman ang curfew hour gikan alas 7 sa gabii hangtud alas 5 sa buntag, pagpasira sa mga tindahan alas 7 sa gabii hangtud alas 5 sa buntag sugod alas 12 sa udto ugmang adlawa Hwebes October 15 hangtud December 31, 2020.
Na-una nang gikatarungan ni Mayor Inday Sara ng kinahanglan ang subling pagpatuman sa EO 55 aron makontrol ang padayong pagsaka sa ihap sa covid 19 cases sa syudad atubangn na usab sa sitwasyon karon sa bed capacity sa SPMC nga naa na sa danger zone.
