DAVAO CITY – Bisan nga ubos lamang ang ihap sa mga Overseas Filipino Worker (OFWs) nga nanarbaho karon sa Lisbon, Portugal wala sumala pa nakalimtan sa usag-usa nga magtinabangay.
Sumala pa kang Bombo international correspondent Malou San Jose Genciane, nakabase karon sa Lisbon ug lumad nga taga Sampaloc sa Manila, adunay pipila karon nga mga Pinoy ang No work , No pay human nga usa sab ang maong nasod sa mga apektado karon sa Covid-19 hinungdan nga sila na lamang ang nagtinabangay sa usag-usa.
Gikanayon sab sa nahisgutan nga disiplinado ang mga tawo sa lugar ug motamud gayud sa kamandoan hinungdan nga gitapos gilayon ang pagpatuman ug lockdown nga una ng gipatuman kaniadtong milabay nga bulan.
Apan hugtanon pa gihapon nga gipatuman sa lugar ang pagpahamtang ug multa nga kapin 200 euro sa higayon nga madakpan sa otoridad nga walay suot nga facemask.
Gitataw sab sa nahisgutan nga wala gipasagdan ang mga Pinoy sa Portugal sa embahada sa Pilipinas ug gani kanunay sumala pa kini nga nagpahimangno kanila sa mga angayan ug dili angayan nga himuon sa lugar samtang nag-atubang ug krisis nga hatud sa Covid-19 pandemic.
