DAVAO CITY – Gipasalig ni Dr. Armie Capuyan, Head sa Disease Monitoring and Surveillance Section of DA-XI Regulatory Division ngadto sa publiko nga luwas ang mga local meat products alang sa pagkonsumo sa tawo ug walay outbreak sa African Swine Fever kun(ASF) dinhi sa Davao region.
Ang ASF usa ka matakod nga balatian o hemorrhagic viral disease sa mga baboy nga dunay sintomas sama sa pagkawala sa gana sa kaon sa baboy ug pagka- hemorrhages.
Giawhag sab ni Dr. Capuyan ang mga hog raiser ug ang publiko nga tumanon ang mga sumbanan sa quarantine measures arun malikayan ang ASF.
Gitambagan sab sa opisyal ang mga konsumante og karneng baboy nga kinahanglan siguruhon niini nga manggikan sa slaughter house ang paliton nga baboy ug na-check kini sa mga meat inspectors.
Giklaro sab ni Dr. Capuyan nga walay tambal o bakuna ngadto sa mga baboy nga naapektuhan sa ASF.
