DAVAO CITY – Pagasugdan na sa City Government of Davao ang pagtukod sa P11.4 million three-story training center nga pagaablihan sa musunod nga tuig.
Gipangunahan sa mga opisyales sa City Cooperative Development Office, Mindanao Development Authority, ug uban pang ahensya ang groundbreaking ceremony kagahapon alang sa ‘Magnegosyo Ta Day’ livelihood training center sa Barangay 76-A, Bucana, Talomo, ning dakbayan.
Gikanayon ni CCDO head Luzminda Eblamo, nga abli ang maong gambalay dili lamang sa mga kababayen-ang negosyante ug kooperatiba, kon dili abli sab kini sa mga marginalized sectors sama sa mga IPs, solo parents, senior citizens, mga mag-uuma ug mangingisda nga dunay laraw nga magsugod sa ilang small, micro and medium enterprises kon SMEs.
Dugang ni Assistant Administrator for Operations nga si Janis Louis Esparcia, maghatag og kagawasan ug stabilidad sa pagnegosyo ang pagtudlo kanila og mga pamaagi aron maka-income.
Gilauman ang skills and livelihood training nga ihatag sa mga ahensya sa gobyerno sama sa Cooperative Development Authority kon CDA, TESDA, DTI, DA ug uban pang ahensya.
via || Bombo LJF
