DAVAO CITY- Ginalauman sa lokal nga panggamhanan sa syudad kauban ang mga organizers nga moabot sa 800 ngadto sa 1,200 ka mga indibidual ang mosalmot sa Duaw Davao Music Festival karong adlawa nga ipahigayon sa Rizal Park ning dakbayan sa dabaw.
Ang maong music festival ang pagasugdan sa alas syete sa gabie karong adlawa diin mao kini ang pinaka-unang aktibidad alang sa Duaw Davao 2024.
Matud pa sa organizers sa maong aktibidad nga si Toffy Ledesma nga adunay napulo (10) ka mga performers ang magperform sa Rizal Park aron i promotar ang mga local artists ug lokal nga banda. Lakip sa maong mga lokal artists mao sila Big Mac, Bud Vibes, Cerise, CHud Festejo, Das, Guava, Kael Bhyadogg, Kuntaw, Maric Gavino, Popong Landero, Precal Dropouts, Mau Ria, Tortang Talong ug Yano.
Dugang pa niini nga ang maong music fertival ang magsilbing platform sa mga talento sa mga dabawenyo.
Dugang pa niini nga ayha pa man ang maong event nagmugna na usab sila og security briefing kauban ang Public Safety and Security Office kon PSSCO ug ang City Environment and Natural Resources Office kon CENRO alang sa saktong pagmanage sa mga basura sa maong music festival.
Kahinumdumang sa kinatibuk-an mukabat sa kapin 3,000 ka mga security personnel ang ipakatap alang sa Duaw Dabaw 2024 aron masiguro ang seguridad sa katawhan sa maong panahon.
via/ DMA
