DAVAO CITY – Gilusad sa mga kanhi miyembro sa New People’s Army (NPA) ang ilang libro nga tumong ang pagyagyag sa “inner workings” o trabaho sa mga rebeldeng grupo sulod sa organisasyon.
Ang maong libro adunay titulo nga “Unmasking: The Myth of Communism in the Philippines,” diin ilang gipangbutyag ang ilang mga kalambigitan kaniadto sa Communist Party of the Philippines (CPP) ingon man ang mga idolohiya ug mga lakang nga mamahimo nila nga ipasangil ngadto sa gobyerno.
Gikanayong libre ang maong libro diin mabasa sab dinhi ang ilang mga kasinatian isip mga kanhi cadres sa rebeldeng organisasyon.
Usa s amga author niini mao si Joy James Saguino, nga kanhi kalihim sa NPA Guerrilla Front 20 nga nag-operate sa Southern Mindanao.
Nagkuha si Saguino ug kursong accountancy sa University of the Philippines sa Visayas dihang gi-recruit siya ug nahimong student organizer sa Anakbayan ug Kabataan party-lists kaniadtong 2007 hangtud nga misulod na siya sa kalihokan ug nadestino sa lungsod sa Igbaras, Miag-ao, ug San Joaquin sa Iloilo province.
Gani naila sumala pa siya isip “Ka Amihan”, diin nag-una niya tahas mao ang pagkampanya sa NPA-allied party-lists kaniadtong 2016 elections.
