DAVAO CITY- Padayon ang pagtanyag ug libreng No Scalpel Vasectomy (NSV) services sa lokal nga panggamhanan sa syudad sa Davao ngadto sa katawhan.
Pinaagi sa Population Division sa syudad ipdayaon niini ang paghatod ug serbisyo isip usa ka alternatibong pamaagi sa family planning sa mga Dabawenyos.
Ang No Scalpel Vasectomy (NSV) ang usa ka permanenteng pamaagi sa family planning nga ipaagi sa proseso nga molungtad lamang ug napulo ngadto na sa kinsi minutos.
Dili na kinahanglan sumala pa ang unsa mang incisions ug pagtahi ug paspas sumala pa ang pag-ayo sulod lamang sa usa ngadto sa duha ka adlaw nga dili na magkinahanglan ug hilabihang pag-atiman.
Sa gipaguwa nga eskedyul sa City Population Division, matag katapusan nga Byernes sa matag bulan ipahigayon ang NSV services sa Buhangin Vasectomy Center.
Karong bulana, ipahigayon ang libreng NSV services sa umaabot nga Byernes. Gipasabot sa nasampit nga buhatan nga ang NSV usa ka luwas ug nagbaton ug ubos nga risgo kung itandi sa bilateral tubal ligation. Kini usab ang epektibo nga pamaagi nga adunay rate nga 99.85 percent.
Nanawagan karon ang ahensya sa mga kalalakin-an nga mga Dabawenyo nga wala nay plano nga magmugna ug mga anak ang mo-avail sa libre nga NSV.
