DAVAO CITY – Gibutyag sa Davao City Covid-19 Task Force nga nakighinabi kini sa mga business establishments sa syudad labot sa posibling pagpatuman sa “no booster vaccine, no entry” policy.
Gikanayon ni Dr. Michelle Schlosser, tigpamaba sa DC covid 19 task force nga bisan pa man ug wala gideklara sa lokal nga kagamhanan nga pinugsanay ang pagpabakuna, adunay katungod ang mga private business establishments sama sa business process outsourcing (BPO) offices, mga bangko ug shopping malls, sa pagpatuman sa nahisgutang poloisiya uban sa lain pang mga safety protocols sulod sa kaugalingon nga mga establishments.
Usa sumala pa sa tpiko nga nahisgutan ang may kalabutan sa mandatory booster ilabi na s amga establisamento nga ubay-ubay na ang mga fully vaccinated sa mga empleyado, hinuon gitin-aw niini nga wala pa kini nahimong pinal.
Gilantaw usab sumala pa nila nga makigtagbo tali sa DOLE aron hapsay kini nga mapatuman.
Dugang pa ni Schlosser nga ang “no booster vaccine, no entry” o ang “no booster vaccine, no work” ang magbaton ug problema tali sa Department of Labor and Employment (DOLE) kung angayan pang ipatuman ang nahisgutang polisiya.
