DAVAO CITY – Gikumpirma karon ni Department of Education Undersecretary ug Secretary General sa Palarong Pambansa 2019 Atty. Revsee Escobedo nga nakabsan sa kinabuhi ang usa ka legal officer sa Eastern Visayas delegation samtang anaa kini sa dakbayan sa Dabaw.
Naila ang maong namatay nga legal officer nga si Atty. Hariet Sultan, 44 anyos.
Matod pa ni Atty. Escobedo, Abril 30 sa gabii gihatod sa Southern Philippines Medical Center (SPMC) si Atty. Hariet Sultan tungod sa hypertension.
Apan kaganihang alas 11 sa buntag, Mayo 1, ang nahisgutang opisyal nabugtuan kini sa iyang kinabuhi gumikan sumala pa sa stroke hatud sa aneurysm.
Gipahibalo na karon sa Department of Education (DepEd) ang pamilya sa namatay nga opisyal.
Samtang, mipadayag usab og pakig-alayon ang DepEd labi na sa paglupad sa patay nga lawas sa maong opisyal pauli sa probinsya niini.
