DAVAO CITY – Nagpangapud-apud ang Office of the Vice President og mga nutritional buns sa mga magtutungha sa Lower Tamugan Elementary School sa Davao City ilawom sa “Pansarap” program.
Muabot sa 733 ka mga undernourished students sa nahisgutang tulunghaan ang unang nahatagan og libreng pan isip kabahin sa pilot-testing sa maong feeding program ni Vice President ug Education Secretary Sara Duterte.
Namugna ang mga “Pansarap” buns pinaagi sa Food and Nutrition Research Institute kon FNRI sa Department of Science and Technology kon DOST.
Adunay 10 ka mga flavors ang maong pan nga gikaingong puno sa sustansya ug makatabang sa development sa mga magtutungha.
Ipangapud-apud ang mga pan gikan Lunes hangtud Biyernes sulod sa 120 ka adlaw.
Pagahimoon sab ang monitoring sa kahimsog sa mga kabatan-onan atol sa ilang pagpakaon kanila.
Sumala pa sa OVP, tumong sa programa nga mahatagan og pan ang mga bata sa tibuok nasud nga nahilakip sa taas nga ihap sa mga malnourished nga populasyon.
via || Bombo LJF
