DAVAO CITY – Gi-andam na ang kasong swindling nga ipasaka batok sa usa ka langyaw kinsa nagahimo ug peke nga mga salapi.
Sikop sa gipahigayon nga entrapment operation sa hiniusang puwersa sa Police Regional Office (PRO) 11 ug San Pedro PNP ang usa ka African National nga si Jules Bertrand Deumawola.
Una ng nagpatala sa iyang reklamo San Pedro PNP ang usa ka Filipino-American nga si Patrick Cabrera nga iyang gibaligyaan ug peke nga mga dolyar.
Atol sa gilusad nga operasyon, narekober sa otoridad ang mga gamit nga gigamit sa suspek sa paggama ug peke nga mga salapi, cellphone ingon man ang $301 nga cash.
Una ng gibutyag ni Cabrera nga nakahatag siya ug $4,000 o P200,000 sa suspek apan misibat sumala pa kini ug wala na nabalik kaniya ang salapi.
Desido ang biktima nga pasakahan ug kaso ang suspek aron nga dili na kini makahimo ug susama nga modus sa uban.
Balhug karon sa San Pedro PNP ang dinakpan ug naghulat nga maresolba ang kaso nga iyang gi-atubang.
