DAVAO ORIENTAL- Midahili ang yuta sa ibabaw nga bahin sa karsada sa Purok 2, Cotcot, Barangay Lanca, Mati City Davao Oriental.
Subay sa report sa mga otoridad nga natigayon ang pagdahili sa yuta kaganihang kaadwaon nga miresulta sa pagkasirado sa dalan ug motor lamang ang gitugutan nga makaagi sa nalup-an nga karsada.
Una ng nagpaguwa ang state Weather Bureau nga padayon gihapon nga masinatian sa dakbayan ug sa rehiyon ang ang mga pag-ulan gumikan sa Localized Thundeder storm.
Dinhi sa dakbayan pipila ka mga kasapaan sa ikatulo nga distrito ang nakasinati ug pagsaka sa lebel sa tubig baha.
Una ng nagpahimangno ang CDRRMO sa publiko dinhi sa dakbayan nga mag-igmat kanunay sa palibot sa mga panahon nga adunay kusog nga bundak sa ulan.
Una na sab nga naka-standby ang SAR team sa kapulisan sa syudad alang sa gikinahanglang pagresponde panahon sa kalamidad.
