DAVAO CITY – Girekomenda sa Davao City Disaster Risk Reduction and Management Office nga dili na papuy-on ang mga residenteng biktima sa nahitabong landslide sa Purok 46-B, San Vicente Village, Bangkal, Davao City niadtong Martes sa gabii.
Gikanayon ni CDRRMO head Alfredo Baloran nga subay kini sa natigayong assessment sa maong landslide area.
Ilahang namatikdan sab nga dunay mga bato-bato sa lugar nga posibleng magresulta pag-usab og pagdahili sa yuta sa lugar bisang orasa gumikan sa mga pag-ulan.
Nakig-alayon na ang buhatan ngadto sa CSWDO alang sa paghatag og assitance alang sa mga temporaryong puloy-anan sa mga residente.
Gikatala sa maong landslide ang 31 ka mga pamilya kon 81 ka mga indibidwal nga gipabakwit sa nahisgutang lugar.
Naguba sab ang 3 ka mga balay sa nahitabong pagdahili sa yuta.
Hinuon walay natalang casualty sa insidente ug pulos nang nagpundo sa evacuation center ang mga apektadong residente.
via || Bombo LJF
