Gipasakahan ug kaso ang usa ka babaye sa New Zealand ang kanhi niining hinigugma tungod sa kapakyasan niining matuman ang ilahang sabot nga ihatud ang babaye sa airport alang sa iyahang byahe.
Sumala sa nasangpit nga babayeng giila lamang nga si CL, nagsabot na matud pa sila sa iyahang uyab nga kuhaon siya sa gipuy-an niini bandang alas 10:00 ngadto sa alas 10:15 ang takna sa buntag.
Apan wala minpatim-aw ang lalaki nga naila usab sa initials nga HG sa maong oras kansa ilang nasabutan, rason nga nag commute na lamang si CL.
Dugang ni CL nga gawas sa nagasto niya padulong sa airport, naka hire pa siya og magbantay sa iyang mga iro sa ilahang balay, kansa gikasabutan na nila sa iyahang uyab nga kini ang mag bantay samtang siya molakaw.
Tungod sa maong kapakyasan, gikuha ni CL si HG sa Disputes Tribunal, nga sumala pa niini “a quicker, cheaper and less formal than court.” Apan sumala sa tribunal referee nga si Krysia Cowie, dili matud pa balido ang mga rason sa babaye aron kasuhan ang kanhi niining uyab, og wala usab matud pa’y legal nga obligasyon ang lalaki o si bisan kinsa nga indibidwal sa mga kasabutan nga sama lamang sa ka-mabaw sa maong kaso.
Sa kaulahian, pildi na ang babaye sa kaso; nabuwagan pa gyud kini sa iyahang uyab, ug nakagasto pa kini ug dakong kantidad alang sa maong kaso.
