DAVAO CITY – Gisubay na karon sa kapulisan ang motibo sa pagpatay sa usa ka lalaki kinsa gipusil samtang mitabang pagkarga sa lungon sa iyang ig-agaw nga gilubong sa Lubogan Public Cemetery sa Toril ning siyudad, alas 4:30 kagahapon sa hapon.
Nabugto-an gilayon sa iyang kinabuhi ang biktima na nga nailang si Rodrigo Babayson Villegas, 33, minyo, doormat vendor, residente sa Purok 4, Barangay Lubogan.
Gikanayong samtang mitabang pagkarga ang biktima sa lungon sa iyang mipanaw nga ig-agaw, duruha ka wala mailhing lalaki nga nagpaka-arun ingnon nga nagdagkot ug kandila samtang usa ang mitabang sab pagkarga sa lungon ang mipusil sa biktima. Tungod sa maong insidente, nagkaguliyang ang mga mihatud sa minatay hinungdan nga miresponde gilayon ang mga sakop sa Toril PNP sa lugar.
Nagpahigayon karon ug lalom nga imbestigasyon ang otoridad aron nga mailhan ang milapuyo sa krimen.
