DAVAO CITY – Mukabat sa P75,000 ag kantidad sa mga nasakmit nga shabu atol sa gikasang buy-bust operation sa may Barangay San Miguel, Tagum City, Davao del Norte, sa miaging adlaw.
Giila sa PDEA 11 ug mga otoridad ang dinakpang si Edmar Ricafort, alyas “Mon”, 42 anyos, residente sa maong dapit. Napalitan ang suspek ug usa ka gramo sa gituohang shabu sa kantidad nga P10,000.
Samtang pagkumpirma sa mga otoridad, nakuhaan ang suspek ug lain pang mga pakete sa shabu nga mutimbang ug singko gramos ug nagkantidad ug P75,000.
Nakumpiska sab gikan sa suspek ang punto nuwebe milimetros nga pistola ug mga buhing bala.
Magpasaka ug kasong paglapas sa Republic Act 9165 kon Comprehensive Dangerous Drugs Act of 2002 ug Republic Act 10591 kon Comprehensive Firearms and Ammunition Regulation Act of 2013 batok sa dinakpan.
via || Bombo LJ Florendo
