TRIGGER WARNING: adunay sensitibo nga unod mahitungod sa suicide.
Giluwas sa usa ka delivery driver sa Tagum City, Davao del Norte ang usa ka lalaki nga misulay sa pag-putol sa iyang sariling kinabuhi.
Sumala pa sa usa ka istorya nga gipabuhagay sa Tagum City Government, usa ka Joseph Lamanilao ang nipugong sa 25-anyos nga lalaki, taga Mankilam, nga misulay pag-ambak sa Tagum City Flyover sa miaging gabii human kini mawad-an og panginabuhian ug mabuwagan sa iyang asawa.
Nabati ni Joseph ang susamang heartbreak sa maong lalaki busa wala pa kini nag-duha duha sa pagluwas niini. Dugang pa niya, gigakus niya diretso ang lalaki aron mabati niya nga aduna pay nagmahal sa iya.
Nakadawat ug daghang mga pagdayeg ang binuhatan ni Lamanilao sa social media.
Luyo niana, naghangyo sab si Joseph nga dili hukman ang tawo nga misulay pagbugto sa iyang kinabuhi. Malipayon sab nga gipaambit ni Joseph nga ubay-ubay na sab ang nadawat nga mga orders isip food delivery rider humam mikatag sa social media ang iyang good deed.
Sumala sa World Health Organization kon WHO, miabot sa 2,325 kon 0.34% ang suicide deaths sa Pilipinas.
Kon ugaling makasinati ug mental health crisis, ayaw kalimot sa pagtawag sa National Center for Mental Health Crisis Hotline sa numerong 0917-899-8727 o 989-8727.
