DAVAO CITY – Gitambagan karon sa Davao City Police Office (DCPO) kadtong adunay plano nga mameke og mga dokumento nga dili sila magpanuko nga sikupon kini.
Tipik lamang kini human ang ulahing entrapment operation nga gilusad sa mga personahe sa DCPO diin nasikop ang usa ka Rodyn Gasque sa printing shop niini sa Bolton St. ning siyudad diin nakuha sa ilang posisyon niini ang mga pekeng medical certificate ingon man peke nga mga travel authority.
Kalakip sab nga gikumpiska sa otoridad ang computer nga gigamit niini nga magsilbing ebidensiya sa iduso nga reklamo.
Sumala pa kang Pol. Capt. Rose Aguilar, tigpamaba sa DCPO, hugtanon gayud nga ginadili ang paghimo og susama nga mga dokumento ilabi na kung dili otorisado ang usa ka indibidwal.
Nagbahad sab ang nahisgutan sa mga nalambigit sa susamang illegal nga binuhatan nga dili magduha-duha ang kapulisan nga dakpon ug pakasahan kini og kaso.
Pahayag ni Pol. Capt. Rose Aguilar, tigpamaba sa DCPO.
