Gipaneguro sa National Bureau of Investigation (NBI) nga dili si Pangulong Ferdinand Marcos jr. ang lalaki nga anaa sa viral nga polvoron video.
Gihimo ang pagpaneguro homan homan ang forensic examination ug joint investigation sa NBI, Philippine National Police (PNP), Department of Interior and Local Government (DILG) ug Department of Justice (DOJ) aron masayran ang kamatuoran sa video. Gipahayag ni Dr. Ruel Cruz sa NBI Medico Legal Division, migawas sa spectral analysis nga lahi ang dalunggan sa lalaki nga anaa sa video ug ang hulagway mismo ni Pangulong Marcos jr., kung diin ang dalunggan sa matag indibiduwal ang managlahi.
Gisuporthan usab ni PNP-Anti-Cybercrime Group Director Brigadier General Ronnie Cariaga ang resulta sa NBI gumikan kay adunay discrepancies sa hulagway lakip na ang porma sa mata, ilong ug mga sideburns. Matod pa usab ni NBI Director Jaime Santiago, hinimo-an kini sa mga disgruntled individuals nga gipagamay ang katakus sa mga Pilipino.
Dugang pa niini, masayran nila ang mga nagpaluyo sa video ug adunay mga individual usab gikan sa Maisug ang ilahang imbitahan alang sa imbestigasyon.
Kung kahinumduman nga gipakatag sa Maisug rally sa Los Angeles, USA ang nahisgutang video dungan sa ikatulong State of the Nation Address ni Pangulong Marcos niadtong adlaw nga lunes, Hulyo 22.
