DAVAO CITY – Nakaplagan ang patay nga lawas sa usa ka lalake nga napuno og samad dinunggaban sa abaga ug nawong ngadto sa dalan sa Purok 4-A, Brgy. Luparan, Sulop Davao del Sur.
Subay sa impormasyon sa Sulop Municipal Police Station, gitaho sa mga residente sa nahisgutang lugar nga aduna matud pay patay nga lawas tunga sa dalan.
Giila ang biktima nga si Jose Flores Ornales, 58 anyos, balo, caretaker ug usa ka residente sa Purok 4-A, Luparan, Sulop Davao del Sur.
Sa nahisgutang insidente, nadiskubrehan nga naka-angkon ang biktima og samad dinunggaban sa iyang tuo nga abaga ug sa nawong nga maoy hinungdan sa iyang kamatayon.
Gituohan nga pila na ka oras kining gipatay gumikan nanimaho na matud pa ang patay’ng lawas niini ngadto sa nasangpit nga dalan.
Kasamtangan, padayon pa ang imbestigasyon karon sa mga otoridad aron masuta kung unsa ang motibo ug si kinsa ang mipaluyo sa maong krimen.
