DAVAO CITY – Nakabsan sa kinabuhi ang usa ka lalaki sa Carlos P. Garcia Highway, Pag-asa, Barangay Buhangin, Davao City gumikan sa nahitabong grabeng aksidente kagahapon sa buntag.
Giila ang patay’ng lawas nga si Conrad Montera, hamtong, ug nanimuyo sa Barangay Mandug ning syudad.
Sumala sa imbestigasyon sa Buhangin Police, gibaybay sa lalaki ang kadalanan sa C. P. Garcia Highway gamit ang iyang motorsiklo sa dihang nabanggaan kini sa usa ka trailer truck ug dayong nalusot ang iyang lawas sa ilawom nga bahin sa atubangan sa truck.
Nakahiagum ang maong biktima ug grabeng injury hinungdan sa iyang hinanaling kamatayon.
Wala na gihinganlan sa kapulisan ang driver nga nakadisgrasya sa maong lalaki apan gikustodiya na kini karon sa Buhangin Police .
Via || LJ FLORENDO
