DAVAO CITY – Kabsan sa iyang kinabuhi ang usa ka Bryan Segovia Latan, 23 anyos, residente sa Everlasting St. Prk. Sta.Cruz Brgy. Leon Garcia Barpa Agdao ning dakbayan sa Davao human nga misukol sumala pa kini sa kapulisan atol sa gilusad nga drug buy bust operation.
Pasado ala una kagahapon sa hapon dihang gikasa sa mga sakop sa Sta. Ana PNP ang operasyon sa usa ka alley padulong sa balay sa suspek apan dihang nakabantay kini nga pulis ang iyang ka-transaksiyon, midagan kini padulong sa ilang balay ug mitago sa banyo dala ang .38 revolver.
Gipusil pa niini ang pulis nga migukod kaniya apan naunhan kini nga maoy hinungdan sa iyang hinanaling kamatayon.
Nakuha pa sa posisyon sa suspek ang pito ka mga pakete sa shabu ug nilikit nga dahon sa marijuana.
Kalakip sab sa narekober ang star screw nga adunay gitas-on nga 10 inch.
Sumala sa mga operatiba, dugay ng nalambigit ang nahisgutan sa illegal nga binuhatan sa ilang lugar.
