DAVAO CITY – Pasakahan na og kaso ang usa ka lalaki nga nasikop human nga nagdala-dala og armas.
Una ng nakadawat ug tawag ang mga sakop sa kapulisan sa Sta Cruz MPS gikan sa 39th I.B Phil Army aron nga ipahibali nga nasikop sa mga personahe sa 5th SRC battalion ug 1st company sa Davao del Sur Provincial Mobile Force Company ang usa ka lalaki kinsa nakuhaan ug armas ug ekplosibo nga walay igong dokumento kini atol sa gipahigayon nga joint minor combat operation sa Brgy Sibulan, Sta. Cruz, Davao del Sur.
Nakadungog sumala pa ang otoridad ug boto hinungdan nga ilang gisubay kung asa kini naggikan. Nakita nila sa usa ka balay ang lalaki nga nagdala ug armas hinungdan nga giila gilayon kini nga gisikop.
Naila ang dinakpan nga si LEONCION CABANDA MATIAS, 60 anyos, minyo, mag-uuma ug residente sa Sitio Dariango, Brgy Sibulan, Sta. Cruz, Davao del Sur.
Narekober sa iyang posisyon ang usa ka unit sa.38 cal., lima ka mga buhing bala, usa ka fired cartridge, usa ka IED color green, tulo ka stomach tube, duruha ka urine bag, usa ka camouflage back pack, usa ka camouflage pouch ug usa ka camouflage magazine pouch.
Gi-turn over na ngadto sa Provincial Crime Laboratory Office ang mga armas alang sa Ballistics Examination and Gun Powder Residue Examination.
Samtang ang narekober nga mga IED ang i-turn over sa Provincial Explosive Ordnance Division (PEOD) Davao del Sur alang sa tukma nga disposisyon.
Sa kasamtangan, gikustodiya na ang nahisgutan sa Sta Cruz MPS samtang naghulat sa mosunod nga kamandoan sa korte sa kaso nga iduso batok kaniya.
