DAVAO CITY – Hingpit na nga girekomenda sa Office of the City Prosecutor nga pasakahan ug kaso ang usa ka lalaki nga nakapatay didtong dapita sa Barangay Wangan, Calinan sa milabay nga semana.
Subay sa resolusyon si Prosecutor Shahriddin Roberto O. Sencio, Jr., gipasakahan niini ug kasong murder si Carlo Omosura pinasikad sa reklamo nga giduso sa usa ka Grace Clarion.
Base sa record sa otoridad, misurender si Omosura sa kapulisan ug mi-angkon nga gitigbas niya hangtud mamatay ang biktima nga si Charlie A. Clarion.
Gikanayong gisulayan sumala pa sa biktima nga dunggabon si Maroa Fe Omosura, ang asawa sa suspek nga miresulta sa away tali sa biktima ug ni Carlo.
Nakaangkon ug samad ang suspek gumikan sa dala nga kutsilyo ni Clarion apan napatay pa gihapon ang nahisgutan gumikan kay gitigbas kini sa suspek.
Lig-on sumala pa ang basehan nga pasakahan ug kaso si Omosura gumikan kay nagbaton ug daghanang tinigbasan ang lawas si Charlie Clarion.
Pabilin karon nga balhug sa presohan ang suspek ug naghulat mga maresolba ang kaso nga iyang gi-atubang.
