DAVAO CITY – Misaad ang usa ka lalaki nga dili na niini usabon ang iyang gihimong pagyaga-yaga sa otoridad dihang mi-agi kini sa checkpoint nga nagmaoy tungod sa tumang kahubog nga maoy hinungdan sa iyang pagkabilanggo.
Nasayran nga hubog nga mi-agi sa gimuntar nga checkpoint sa Brgy. Mapawa lungsod sa Maragusan, otoridad si alyas Tasio, residente sa Brgy. Araibo, lungsod sa Pantukan diin dihang gipangayuan kini ug quarantine pass, nagyaga-yaga kini ug miingon nga iya kining gitagoan sa iyang kinatawo aron nga dili sumala pa mawala.
Tungod niini, walay pagduha-duha nga gisikop sa kapulisan ang nahisgutan ug sa estasyon sa kapulisan na kini nahuwasan sa iyang kahubog.
Sumala pa kang P/Ssg. Dave Dayupay sa Maragusan Municipal Police Station nga gibuhian gilayon nila ang nahisgutan human nga nangayo kini ug pasaylo sa iyang salaod nga nahimo.
