DAVAO CITY – Naig-an og saag nga bala kon stray bullet ang usa ka 23 anyos nga lalaki atol sa pagsugat sa bag-ong tuig kagahapon sa Purok 3, Brgy Hijo, Maco, Davao de Oro.
Sumala sa taho sa Maco Municipal Police, bandang alas-12:01 sa kaadlawon, Enero 1, dihang personal nga midangop sa kapulisan ang usa ka Lowie Jay Atal Saraudin, samtang nigawas kini uban ang ilang pamilya nga nagsaulog sa New Year.
Sa dihang miigo sa maong lalaki ang usa ka bala partikular na sa iyang wala bahin sa iyang likod. Dali sab natabangan ang biktima sa may Davao Regional Medical Hospital sa Tagum City ug nakagawas kini pagkahapon.
Giturn-over sab ang bala gikan sa wa mailhi nga klase sa pusil nga naka-igo sa biktima nga napunit san sa iyang kabanay gikan sa lugar aron pagasugdan ang ballistics examinations.
Nagpadayon ning kasamtangan ang imbestigasyon aron masayran kon asa gikan ang bala nga nakaigo sa biktima.
via || Bombo LJF
