DAVAO CITY – Patay ang usa ka lalaki human nga maghikog kini gamit ang usa ka pisi nga gihigot niini sa liog.
Giila ang biktima nga si Josiah Vincent Navarro, 30 anyos, lumulupyo sa Matiang St. Brgy. Zone 3, Sta. Cruz, Davao del Sur.
Sumala pa sa testigo nga si Diane Beatrize Dela Cruz, 17 anyos, nga nakurat na lamang siya human nga iyang makita alas 2:00 ang takna sa kaadlawon nga nagbitay na ug wala nay kinabuhi si Navarro sulod sa ilang kusina.
Subay sa gipahigayong imbestigasyon, narekober sa mga otoridad ang cellphone sa biktima ug nakit-an gikan sa inbox sa maong cellphone nga gibulagan matud pa kini sa iyang uyab.
Gumikan dili madawat sa lalaki ang desisyon sa uyab niini, nagdesisyon kini nga magpakamatay.
Sa karon, anaa gipahimutang ang haya sa biktima sa Esperanza Funeral Home sa Brgy. Zone 3, Sta. Cruz, Davao del Sur.
