DAVAO CITY – Nakaangkon ug daghanang injury sa iyang lawas ang usa ka 23 anyos nga lalaki human kini na-tripan samtang naglakaw sa Sasa Bridge, Km. 9, Sasa ning siyudad.
Una ng naila ang biktima nga si Bernard Dominic Delicano, ulitawo, residente sa Doña Paz, Old Airport Road, Sasa ning siyudad.
Samtang ang suspek naila nga usa ka EERON PUNO MONTON, 21 anyos, minyo, ulitawo ug residente sa Riverside, Sasa ning dakbayan.
Sa inisyal nga imbestigasyon, samtang naglakaw sumala pa ang biktima kauban ang iyang higala sa Sasa Bridge, Km. 9, Sasa ning dakbayan, kalit kini nga gikulata sa wala matino nga rason hinungdan nga nakaangkon kini ug injury sa ulo ingon man sa nagkadaiyang parte sa iyang lawas.
Positibo nga giila sa biktima ang suspek human nga nadakpan kini sa kapulisan human nga gitulis niini ang biktima nga nailang si MARTIN PAUL ROSALES ALDEA JR., 29 anyos, lalaki, ulitawo, delivery boy, residente sa Doña Paz Subdivision, Old Airport, Km 9, Sasa, ning siyudad.
Anaa karon ang suspek sa kustodiya sa kapulisan alang sa tukma disposisyon samtang ang biktima nga si Bernard Delicano ang gitambalan sa SPMC.
