-- ADVERTISEMENT --
DAVAO – Patay ang usa ka lalaki human kini gipusil sa Prk. Ipil-ipil, Brgy. Cogon, Digos City, Davao del Sur samtang naghulat lamang og masakyan pauli.
Giila ang biktima nga si Uswaldo Noval, minyo, hamtong ang pangidaron ug lumulupyo sa Purok Balite, Sitio Migsayas, Brgy. Binaton, Digos City.
Base sa imbestigasyon sa Digos City Police, nakasakay na ang maong biktima apan pag-abot niini sa national highway, usa ka armadong lalaki ang walay pagduha-duha nga mipusil-patay sa maong biktima.
Nakita sa crime scene ang basyo sa kalibre .45 nga gigamit sa pagpusil.
Nagpadayon gihapon ang ginahimong imbestigasyon sa Digos City Police sa posibleng motibo sa maong krimen.
-- ADVERTISEMENT --
Via || LJ FLORENDO
