-- ADVERTISEMENT --
DAVAO CITY- Tugpa sa Southern Philippines Medical Center ang usa ka lalaki human kining gidunggab sa iyang paryente. Sa impormasyong nakuha sa Bombo Radyo Davao, nasayran nga nagkalalis ang biktima ug ang suspek nga miresulta gilayon sa pagpanunggab.
Maayo na lamang nga bugtong samad sa walang bahin sa bukton nga adunay gilawmon nga 3 inches ang naangkon sa biktima ug wala na naka-angkon pa og grabe nga samad.
Samtang, nailhan ang biktima nga si Ruel Pulonan, 39 anyos ug residente sa P-34 Greenhills, Ilang, Panacan ning siyudad.
Sa pagkakaron, ginahulat na lamang ang desisyon sa pamilya sa biktima og magpasaka ba kini og tukmang kaso batok sa mismong kabanay niining nanunggab.
