Gipasaka na karong adlawa ngadto sa piskalya ang kaso batok sa usa ka lalaki nga nikalit og pagtuok sa usa ka babaeng pasaherong babae kagahpong adlawa sa Bago Apalaya ning syudad sa Davao.
Ipasaka sa Baliok PNP batok kang alias “Poloy” 26-anyos ang kaso nga physical injury ug Grave Coercion sa (Article 286, Revised Penal Code).
Kahinumduman nga nakuhaan og video ug nagviral pa sa social media ang gihimong pagpangataki sa suspetsado ngadto sa usa ka pasahero sa PUJ sa Bago Apalaya kagahapon sa buntag nga ang biktima nga si alyas Elysa nga residente sa Purok 12, sa Bago Aplaya ang nakaangkon ug bun-og sa iyahang liog tungod sa pagtuok kaniya sa suspek nga taga Cemento, Brgy. Talomo Proper ning syudad.
Una ng gibutyag sa suspek nga nabuhat sumala pa niini ang pagtuok sa babae tungod problemado kini sa iyahang sitwasyon gumikan sa pagpanaw sa iyahang asawa.
Dugang pa nga girason sa nahisgutan ang pagka-jobless niini ug dunay duha kini mga anak nga iyahang buhion.
Gumikan niini naburido sumala pa ang iyahang ulo hinungdan nga nabuhat niini ang maong krimen.
Tungod sa iyahang nakahiagom kini ug bun-og ug samad sa kalawasan kagahapong adlawa gumikan sa pagkulata ngadto kaniya.
