-- ADVERTISEMENT --
DAVAO CITY- Balhog sa selda sa Tugbok PNP ang usa ka 38-anyos nga ulitawo gumikan sa kasong lugos.
Giila ang dinakpan nga si ERIC VONN CEBALLOS VOSOTROS, ulitawo nga residente sa Phase 10, Farland Extension Dumoy, ning dakbayan sa Davao City.
Subay sa report sa kapulisan, gidakop ang suspek pinaagi sa bisa sa Warrant of Arrest nga gimando sa korte sa sala ni Judge LEO MOISES LISON, sa RTC 7, Branch 3, 7th Judicial Region.
Nadakpan ang nahisguatan pasado alas nuybi ang takna sa buntag sa Farland Extension, Dumoy, ning dakbayan sa Davao sa hiniusang pwersa sa Tugbok PNP, 2nd Davao City Mobile Force Company ug Corella Municipal Police Station sa probinsya sa Bohol.
Walay girekomenda nga pyansa ang kaso nga giatubang sa dinakpan.
-- ADVERTISEMENT --
