DAVAO CITY – Nagpahibalo ang Davao City LGU sa katawhan alang sa pagahimoong DAVAO CITY-WIDE CULTURE OF SECURITY COMMUNITY EXERCISE kon COMEX nga pagahimoon sa dili matinong oras o lugar karong bulan sa Agosto diin nagkahaduol ang Kadayawan.
Ipahigayon ang maong COMEX isip pagpakusog sa kampanyang Culture of Security “May Nakita, Dapat Magsalita” sa siyudad.
Nunot niini, ginaimbitahan ang tanang Dabawenyo sa pagsalmot ug pag-cooperate sa maong aktibidad nga makatabang sab sa pagsiguro sa seguridad sa siyudad.
Nagpahibalo sab ang panggamhanan nga dili mag-panic inay mamahimong kalmado sa panahon nga mahitabo ang maong simulation.
Alang sa mga pangutana ug uban pang safety concerns, mamahimong mutawag sa Task Force Davao sa mga numerong 0999 227 1111, 0917 131 4333, ug 224-0911. O dili kaha sa Emergency Hotline nga 911.
