DAVAO CITY – Nanawagan si incoming Monkayo Mayor Manuel ‘Way Kurat’ Zamora nga imbestigahan sa hinanali nga panahon kung si kinsa ang posibleng nagpaluyo sa pagpatay kang Mt. Diwata, Monkayo, Davao de Oro Brgy. Capt. Pedro Samillano nga gipusil sa wala ma-ilhing mga armado niadtong milabay nga gabii.
Gikondena sa opisyal ang nahisgutang krimen hinungdan nga gi-awhag niini ang otoridad nga subayon ang motibo sa pagpatay ug gikinahanglan nga maangkon sa nahibiling pamilya sa biktima ang hinanali nga hustisya.
Nagpadayag usab sa ilahang pahisubo ang mga suod nga higala sa Kapitan ug kaubanan niini sa buhat.
Kung Kahinumduman gipusil si kapitan Samillano samtang mupadulong na unta kini sa iyahang barangay.
Narekober gikan sa crime scene ang unom ka basiyo sa bala nga gituohangg gikan sa caliber .45 ug usa ka selpon.
Via || Angie Chagas
