DAVAO CITY – Karun pa lang nagpahimangno na ang mga sakop sa Task force Davao ug uban pang law enforcement unit sa publiko nga likayan lamang ang pag-panic atol sa laing hugna sa Simulation Exercise (SIMEX) nga ipahigayon ayha ang eleksiyon sa adlaw nga lunes, May 9, 2022.
Karun pa lang nangandam na ang mga Security Forces Cluster sa siyudad sa maong aktibidad diin masukod ang ilang mga lakang nga himuon arun pabilin nga luwas ang dakbayan batok sa mga terorista.
Walay gihatag nga oras apan himuon kini sa Davao Gulf duol sa Bulk Plant sa Lanang ning dakbayan.
Gikanayong ang mamahimong scenario sa Simex mao ang posibleng retaliatory attack sa mga teroristang grupo human nga na-neutralize ang upat ka mga kaubanan niini kaniadtong una nga Simex sa Binugao, Toril ning dakbayan sa milabay nga Marso 26, 2022.
Posibleng target sa mga terrorist group ang mga vital installations, soft targets ug government forces.
Wala gipadaplin sa otoridad ang scenario nga mu-agi ang mga terorista pasulod sa siyudad pinaagi sa Davao Gulf kini tungod sa hugtanon nga checkpoint nga gipahigayon sa otoridad sa mga kadalanan.
Gikanayong mahitabo ang bombing sa Chevron Oil Depot ug gamiton sa mga terorista ang Davao Gulf isip escape route.
Mugamit ang mga nahisgutan ug speed boat isip getaway paingon sa Sarangani Bay.
Gikanayong nagkadaiyang security agencies sa dakbayan ang makighiusa sa simulation exercise arun nga masukod ang tagsa-tagsa nila nga katakos sa pagresponde sa susama nga insidente.
