DAVAO CITY – Nagpahigayon og pinaka-unang “Kulturavan: Serbisyo at Kaalaman” ang Task Force Davao nga gisalumtan sa kapin 700 ka mga indibidwal gikan sa tribong Maranao sa Bankerohan, Barangay 5-A, ning dakbayan.
Nakadawat og serbisyo ang mga nisalmot sama sa libreng dental ug medical check up, ug uban pang serbisyo gikan sa mga ahensya sa gobyerno sama sa TESDA, DOLE, NBI, PSA, LTO ug Davao City Police Office.
Atol sa nahitabong Kultravan kaniadtong Sabado, gidagsa sa mga katawhan ang mga libreng serbisyo nga hatud sa mga kaabag nilang pampubliko ug pribadong sektor.
Nagkatapo-tapok sab ang tanang mga deputy mayors sa nagkalain-laing tribo sa syudad, miyembro sa Davao City Security Cluster, United Muslim Council for Peace and Development, Supreme Tribal Council for Peace and Development, ug mga representante sa Davao City LGU ug National Government Agencies aron hisgutan ang mga natad sa seguridad sa ilang mga lawak, partikular na sa pagpasibaw ug pagmintenar sa culture of security sa Davao City.
Nagpadangat sa pagpasalamat si TFD Commander Colonel Darren Comia sa mga nisuporta sa inisyatibo sa han-ay sa kasundaluhan nga nagpataas sa kunpyansa sa komunidad uban ang lokal ug nasyonal nga panggamhanan.
via || Bombo LJF
